Жаз айларында балалардың денсаулығын күшейту және аурулардың алдын алу маңызды. Осы мақсатта емханамызда «Салауатты жаз» атты профилактикалық кампания ұйымдастырылып, балаларға медициналық тексерулер мен сауықтыру шаралары ұсынылады.

Қабылдау жұмыс күндері сағат 09:00-ден 11:00-ге дейін жүргізіледі. Қызметтер тек алдын ала жазылу арқылы көрсетіледі, сондықтан ата-аналар баласын тексерілуге уақытында жазуды қамтамасыз етуі қажет.

Бұл кампания балалардың денсаулығын нығайтуға, иммунитетті көтеруге және жаз мезгілінде жиі кездесетін аурулардың алдын алуға бағытталған. Балаларымыздың сау болуы – біздің басты міндетіміз!