№5 гимназияда оқушыларға арналған пайдалы әрі танымдық семинар өтті. Іс-шара салауатты өмір салтын насихаттау мақсатында «Сенім» жастар денсаулық орталығының мамандары мен салауатты өмір салтын қалыптастыру жөніндегі мамандардың қатысуымен ұйымдастырылды.

Семинардың негізгі мақсаты – жасөспірімдердің өз денсаулығына саналы көзқарасын қалыптастыру, күйзелісті басқару жолдарын үйрету және түрлі аурулардың алдын алу туралы түсінік беру.

Кездесу барысында келесі маңызды тақырыптар қамтылды:

• Стресті басқару және оны жеңу жолдары

• Репродуктивтік денсаулық

• Туберкулездің алдын алу және оның ерте белгілері

Әр тақырып бойынша мамандар ашық диалог жүргізіп, өмірден алынған мысалдар арқылы ақпаратты оқушыларға түсінікті тілде жеткізді.