Дүниежүзілік ана сүтімен емізу апталығы аясында емханамызда әйелдерге арналған ақпараттық семинар ұйымдастырылды. Семинардың басты мақсаты – аналардың емшекпен емізудің маңыздылығын терең түсініп, оны дұрыс ұйымдастыруына қолдау көрсету.

Іс-шара барысында төмендегі маңызды тақырыптар қамтылды:

• Емшекпен емізудің дұрыс әдістері мен техникасы;

• Сүт бездеріндегі жиі кездесетін мәселелер (лактостаз, емшек ұшының жарылуы және т.б.) және олардан сақтану жолдары;

• Баланы дұрыс емізу бойынша кезең-кезеңмен көрсетілген алгоритм;

• Емізу жиілігі мен лактацияның ұзақтығы;

• Емізуді ұйымдастырудағы заманауи тәсілдер мен технологиялар.

Сонымен қатар, қатысушыларға мамандардың түсіндірмесімен бейнематериалдар көрсетіліп, теориялық ақпарат нақты мысалдармен бекітілді.