Бүгін, қыркүйектің екінші жексенбісі, елімізде Отбасы күні өтуде. Дәстүрге айналған бұл күннің мән-маңызы терең. Қазақстанда осынау мереке отбасылық құндылықтарды нығайтуға бағытталған түрлі іс-шаралармен атап өтіледі. Біздің емханамызда да “Мықты отбасы — мықты мемлекет” тақырыбымен іс-шара өтті.

Балалар мен ата-аналар бірлесе ұлттық ойындар мен эстафеталарға қатысты. Мұндай іс-шаралар отбасы мүшелерін жақындастыруға, командалық рухты дамытуға және дәстүрлерді сақтауға көмектеседі. Асық ату, денсаулықты нығайтуға арналған жаттығулар, сурет салу, көңілді ойындар тәтті, пайдалы сыйлық таратуға ұласты. Кішкентай пациенттеріміз дәруменге толы сыйлықтарға ие болды. Отбасы — құндылықтар, дәстүрлер мен адамгершілік принциптері қалыптасатын қоғамның жасушасы іспетті. Күшті отбасылық байланыс өмірлік қиындықтарға төтеп бере алатын салауатты және үйлесімді қауымдастық құруға қабілетті. Біздің іс-шараның мақсаты отбасылық құндылықтарды насихаттау болды.