20 тамыз — Халықаралық медициналық көлік қызметкерлерінің күні. Бұл күн адам өмірі үшін күресте алдыңғы шепте жүрген, дәрігерлер мен фельдшерлердің сенімді серігіне айналған жандарға арналатын ерекше күн. Аталмыш кәсіби мереке жедел жәрдем жүргізушілерін, санитарлық авиация, медициналық тасымал көліктерін тізгіндеген барлық қызметкерлерді қамтиды.

Медициналық көлік жүргізушілері — медицина қызметкерлерімен қатар адам өмірін сақтап қалуға үлес қосатын, күндіз-түні, ауа райына, жол жағдайына қарамастан өз міндетін адал атқарып жүрген жандар. Олар жеделдікті, жауапкершілікті, жоғары зейінділікті талап ететін ерекше мамандық иелері.

Бұл күн – тек алғыс айту емес, олардың еңбегін елеп-ескерудің, қадірлеудің де белгісі. Өйткені өмір мен өлімнің арасында тұрған әрбір сәт – олардың кәсіби шеберлігі мен жылдам шешім қабылдауына тікелей байланысты.

Біздің емханада да осы саланың майталмандары еңбек етуде. Олар тек көлік жүргізіп қана қоймай, төтенше жағдайда медициналық топтың бір бөлігі ретінде әрекет етеді. Осындай жанқиярлықпен қызмет етіп жүрген әріптестерімізді кәсіби мерекелерімен шын жүректен құттықтаймыз!