Құрметті достар! 2025 жылғы 24 ақпан мен 24 наурыз аралығында Қазақстанда туберкулезге қарсы айлық өтеді. Бұл айлықтың мақсаты — туберкулез ауруының алдын алу және оған қарсы күрестің маңыздылығын халық арасында түсіндіру. Туберкулез — өте қауіпті ауру, бірақ оны алдын алу үшін әрқайсымыз жауапкершілік алуымыз керек

Туберкулездің алдын алу жолдары:

Вакцинация. БЦЖ вакцинасы балалық шақта туберкулездің ауыр түрлерінен қорғайды.
Денсаулықты тексеру. Жылына бір рет медициналық тексеруден өту — туберкулезді ерте кезеңде анықтаудың ең жақсы тәсілі.
Таза ауада көбірек уақыт өткізу. Ауа айналымы нашар бөлмелерде ұзақ уақыт болудан аулақ болыңыз.
Қолды жиі жуу. Қолды таза ұстау — инфекцияның таралуын алдын алады.
Дұрыс тамақтану. Витаминдер мен минералдарға бай тағамдар иммунитетті күшейтеді.

Қауіпсіз болашақ үшін бірге жұмыс істейік! Туберкулездің алдын алу — әр адамның қолында. Туберкулезге қарсы күреске қосылуға шақырамыз!