Дүниежүзілік гепатитке қарсы күрес күніне орай №8 қалалық емханада медицина қызметкерлеріне арналған «Вирустық гепатиттердің алдын алу» тақырыбында семинар ұйымдастырылды.

Семинардың мақсаты – медициналық мамандардың вирустық гепатиттер туралы білім деңгейін арттырып, олардың профилактикасына бағытталған тиімді тәсілдермен таныстыру.

Қатысушылар келесі маңызды тақырыптарды талқылады:

• Вирустық гепатиттің түрлері (A, B, C), жұғу жолдары мен тәуекел топтары;

• Аурудың ерте белгілері, диагностикалық алгоритмдер және зертханалық көрсеткіштерді интерпретациялау;

• Жеке гигиена, медициналық құралдарды қауіпсіз пайдалану, және вакцинацияның маңызы;

• Гепатит B-ге қарсы екпенің тиімділігі мен бауыр ауруларында арнайы диета ұстанудың қажеттілігі;

• Гепатитпен өмір сүретін науқастармен этикалық және кәсіби қарым-қатынас орнату қағидалары.

Іс-шара барысында тәжірибелік мысалдар мен клиникалық жағдайлар талданып, қатысушылар өзара пікір алмасып, кәсіби дағдыларын жаңартты.