12 қыркүйек — жыл сайын әлем бойынша Мигренмен күресудің халықаралық күні ретінде аталып өтеді. Бұл күннің басты мақсаты — халық арасында мигрен туралы ақпараттандыруды арттыру, оның белгілері мен себептеріне назар аудару және дер кезінде дәрігерге жүгінудің маңыздылығын түсіндіру.

Мигрень дегеніміз не?

Мигрень — бұл көбінесе бас сүйегінің бір жағында қатты соғып ауыратын, жиі қайталанатын неврологиялық ауру. Оған жарық пен дыбысқа сезімталдық, жүрек айну, көру қабілетінің уақытша бұзылуы сияқты белгілер қосылады. Мигреннің ұстамасы бірнеше сағаттан бірнеше тәулікке дейін созылуы мүмкін.

Мигреннің жиі кездесетін себептері:

• Ұйқы тәртібінің бұзылуы

• Стресс пен эмоционалды жүктеме

• Гормоналды өзгерістер (әйелдерде жиі байқалады)

• Ауа райының күрт ауысуы

• Белгілі бір тағамдар (мысалы: шоколад, кофе, ірімшік)

Қашан дәрігерге жүгіну керек?

Егер сізде бас ауруы жиі қайталанса, ауырсыну күнделікті өмірге кедергі келтіретін болса — невропатолог маманға қаралу өте маңызды. Мигреньді ерте кезеңде анықтау және дұрыс емдеу — аурудың асқынуының алдын алады.

✅ Алдын алу жолдары:

• Күн тәртібін сақтау, жеткілікті ұйықтау

• Стресті басқару, демалуға көңіл бөлу

• Белгілі бір тағамдар мен сусындарды шектеу

• Дене белсенділігін арттыру

Мигрень — ескеруді қажет ететін мәселе. Дұрыс әрекет ету арқылы сіз өмір сапасын жақсартып, ауырсынуды бақылауда ұстай аласыз.

Уақытылы кеңес алыңыз — денсаулығыңыз өз қолыңызда!