8 мектеп-лицейінде темекінің алдын алу және оның ағзаға әсері туралы дәріс өтті.  Дәріс барысында оқушыларға темекінің зияны мен денсаулыққа тигізетін кері әсерлері туралы мәліметтер берілді. Іс-шараны ұйымдастырудағы негізгі мақсат – жасөспірімдер арасында салауатты өмір салтын насихаттау және олардың зиянды әдеттерден алыс болуына ықпал ету.

Темекі тарту жастар арасында кеңінен таралған мәселе болып табылады. Әсіресе, жасөспірімдер арасында темекінің зиянын толық түсінбеу салдарынан бұл әдетке бой алдыру жағдайлары жиі кездеседі. Зерттеулер көрсеткендей, темекі құрамындағы никотин мен басқа да улы заттар ағзаға елеулі зиян келтіріп, өкпе, жүрек, қан тамырлары ауруларының пайда болуына әкеледі. Сонымен қатар, темекі тарту иммундық жүйенің әлсіреуіне, тыныс алу жолдарының қабынуына және жалпы денсаулықтың нашарлауына себеп болады.

Осындай шаралар арқылы жасөспірімдер зиянды әдеттерден бас тартып, денсаулығын сақтаудың маңыздылығын терең түсінеді деп үміттенеміз.