Күз бен қыс – суық тию мен вирустық аурулардың нағыз «маусымы». Әсіресе, тұмау мен жедел респираторлы-вирустық инфекциялар (ЖРВИ) жыл сайын миллиондаған адамға әсер етеді. Бұл аурулар жай ғана түшкіру мен тамақтың қышуымен шектелмейді — олар қауіпті асқынуларға әкелуі мүмкін.

Неге алдын алу маңызды?

Тұмау мен ЖРВИ көбіне ауа арқылы жұғады. Инфекция жұқтырған адаммен бір кеңістікте болу — өзіңізді де, жақындарыңызды да қауіпке тігумен тең. Ал алдын алу шараларын ұстану мен уақытында вакцина салдыру — аурудың өршуіне жол бермейді.

Бірнеше қарапайым кеңес:

• Қолыңызды жиі сабындап жуыңыз;

• Адам көп жиналатын жерлерде бетперде қолданыңыз;

• Иммунитетті нығайту үшін дұрыс тамақтаныңыз және жеткілікті ұйықтаңыз;

• Тұмауға қарсы екпені жыл сайын алыңыз.

Вакцина – ең тиімді қорғаныс!

Тұмауға қарсы вакцина – бұл өзіңізді ғана емес, айналаңыздағы адамдарды да қорғаудың сенімді жолы. Ол аурудың жеңіл өтуіне немесе мүлде ауырмауға мүмкіндік береді.

Екпені қайдан алуға болады?

Емханаңызға келіңіз – тұмауға қарсы вакцина тегін және қауіпсіз. Вакцинация медициналық маманның тексеруінен кейін жүргізіледі, әрі бұл – бар болғаны бірнеше минут уақытыңызды алады!