2025 жылдың 29 тамызында емханамызда Қазақстан Республикасының Конституция күніне арналған мерекелік іс-шара ұйымдастырылды. Шара еліміздің басты құндылығы — Ата Заңымызға деген құрметті арттыру, ұжым ішіндегі патриоттық рухты нығайту мақсатында өтті. Іс-шараның шымылдығы Мемлекеттік Әнұранмен ашылып, барша қатысушылар мемлекеттік рәміздерге деген сый-құрметтерін көрсетті. Бұдан кейін әсем әуендер шырқалып, мерекелік көңіл-күйге бөледі. Сонымен қатар, іс-шара аясында викториналық сұрақтар қойылып, қатысушылар Конституцияға және еліміздің тарихына қатысты білімдерін сынады. Белсенділік танытқан қызметкерлерге шағын сыйлықтар табыс етілді.