Кариес — ауыз қуысының ең жиі кездесетін ауруларының бірі. Ол тіс эмалінің бұзылуынан басталып, емделмеген жағдайда ауыр асқынуларға әкелуі мүмкін. Сондықтан кариестің алдын алу — сау тістер мен жарқын күлкі кепілі.

Негізгі себептері:

• Тәтті тағамдар мен сусындарды көп тұтыну

• Тісті дұрыс тазаламау

• Ауыз қуысы гигиенасына немқұрайлы қарау

• Иммунитеттің төмендеуі

Кариесті қалай алдын алуға болады?

1. Тісті күніне кемінде екі рет тазалау — таңертең және кешке, фторлы паста қолдану ұсынылады.

2. Тамақтануды реттеу — тәтті мен қантты азықтарды шектеу, көкөністер мен жемістерді көбірек тұтыну.

3. Тіс жіптерін пайдалану — тіс араларындағы қалған тағам қалдықтарын жою үшін.

4. Жыл сайын стоматологқа қаралу — ерте кезеңде емдеу үшін.

5. Балаларға ерте жастан дұрыс гигиенаны үйрету.

Тіс күтімі — бұл күнделікті жауапкершіліктің бір бөлігі. Кариестің алдын алып, денсаулығыңызды сақтаңыз!