Бөлім меңгерушісі: Ашубаева Нурбахыт Абикеновна – жоғары санатты дәрігер-рентгенолог.

Жоғары санатты аға мейіргер: Алпысбаева Гульмирам Еинбаевна.

Клиникалық-диагностикалық бөлімше ересектер мен балаларға білікті, мамандандырылған медициналық көмек көрсетеді. Бөлімше құрамында 4 ультрадыбыстық диагностика кабинеті, рентгенологиялық зерттеулер кабинеттері (рентгенография, маммография, флюорография, маусымдық жылжымалы флюорография), 3 функционалдық диагностика кабинеті, 2 эндоскопиялық қабылдау кабинеті және зертхана жұмыс істейді.

Бөлімшенің негізгі міндеттері

Пациенттің қажеттіліктеріне бағытталған, дәлелді медицина қағидаттарына негізделген, сапалы, қолжетімді, үздіксіз әрі қауіпсіз алғашқы медициналық-санитариялық көмек көрсету.
Қызметіміздің басым бағыты – аурулардың алдын алу, салауатты өмір салтын насихаттау және қалыптастыру, халықтың өз денсаулығына жауапкершілікпен қарауын тәрбиелеу.

Бөлімшенің негізгі функциялары

• Денсаулық сақтау саласындағы мемлекеттік бағдарламаларды іске асыру арқылы профилактика, диагностика, емдеу және пациенттердің денсаулығын ұзақ мерзімді бақылаудың кешенді қағидаттарын енгізу негізінде жоғары сапалы білікті медициналық көмек көрсету.
• Негізгі құндылық – пациенттердің денсаулықтың оңтайлы деңгейін сақтау және жақсарту қажеттіліктерін қанағаттандыру; жеке тәсілді қалыптастыру және медициналық көмекті сенімділік қағидаты негізінде ұсыну.
• Қызметкерлердің кәсібилігі мен құзыреттілігі, олардың әлеуетін толық іске асыру – емхананың басты құндылығы мен жетістігі.
• Ғылыми жетістіктерге негізделген инновациялық технологияларды енгізу – тұрақты дамудың кепілі.
• Халық арасында санитариялық-гигиеналық ағарту жұмыстарын жүргізу, салауатты өмір салтын насихаттау.

Бөлімшенің құрылымы

Ультрадыбыстық диагностика кабинеті

Бөлімшеде 4 УДЗ кабинеті бар. Оның 3-уі соматикалық зерттеулер жүргізеді: іш қуысы және ішперде арты кеңістігі ағзалары, қалқанша безі, жүрек және қан тамырларының ультрадыбыстық зерттеулері.

Жеке УДЗ кабинеті әйелдер консультациясының 3-қабатында орналасқан, мұнда жүкті әйелдер мен гинекологиялық науқастарға зерттеу жүргізіледі.

Кабинетте 13 ультрадыбыстық диагностика дәрігері жұмыс істейді. Олар УДЗ зерттеулерінің барлық қажетті әдіс-тәсілдерін толық меңгерген.

Кабинетте тіркеу және тексеру орындары медициналық қалқамен бөлінген. Пациенттер алдымен тіркеуден өтіп, дәрігермен сұхбаттасады, кейін арнайы бөлінген жерде шешініп, тексеруден өтеді. Тексеру барысында дәрігер зерттеу жүргізіп, көрсеткіштерді белгілейді, ал мейіргер нәтижелерді хаттамаға енгізеді. Зерттеу аяқталған соң пациентке қорытынды беріледі. Қабылдауды жоғары және бірінші санатты, шетелде мамандандырудан өткен тәжірибелі мамандар жүргізеді.

УДЗ кабинетінде келесі зерттеу түрлері орындалады:

• Іш қуысы және ішперде арты кеңістігі ағзаларының УДЗ
• Қалқанша безі мен лимфа түйіндерінің УДЗ
• Бүйрек және несеп-жыныс жүйесінің УДЗ
• Қуықасты безінің УДЗ
• Ұма және аталық бездердің УДЗ
• Сүт бездерінің УДЗ (әйелдер мен ерлерге)
• Ересектер мен балаларға жүректің УДЗ
• Кіші жамбас ағзаларының УДЗ
• Нейросонография
• Акушериядағы допплерометриямен УДЗ
• Жүктіліктің I, II және III триместрлеріндегі УДЗ
• Жұмсақ тіндердің УДЗ
• Қан тамырлары мен тізе буынының УДЗ
• 1 жасқа дейінгі балаларға жамбас-сан буынының УДЗ

Рентгенодиагностика кабинеті

Бөлімшеде рентгенологиялық жабдықтармен жабдықталған 3 стационарлық және 1 жылжымалы кабинет жұмыс істейді.

1-қабатта кеуде қуысы ағзаларына флюорографиялық зерттеу жүргізілетін флюорограф және жылжымалы қондырғы орналасқан. Пациенттер алдымен тіркеу кабинетіне жүгініп, кейін зерттеуден өтеді. Дәрігер мен зертханашы бөлмесі арнайы қорғаныш экранымен бөлінген.

2-қабатта ересектер мен балаларға рентгенологиялық зерттеу жүргізуге арналған рентген қондырғысы орналасқан. Балалар корпусындағы 2-қабатта сүт бездерін рентгенологиялық зерттеуге арналған маммограф орнатылған.

Дәрігер-рентгенологтар мен рентген-зертханашылардың жұмыс тәжірибесі мол, жоспарлы және шұғыл қабылдау жүргізеді, рентген суреттеріне динамикалық бақылау жасайды. Қызметкерлер радиациялық фонды тұрақты бақылауға мүмкіндік беретін жеке портативті дозиметрлермен қамтамасыз етілген.

Рентгенологиялық зерттеулер:

• Сүт бездері ауруларын 2 проекцияда рентгенологиялық диагностикалау және сүт безі обырын ерте анықтау
• Кеуде қуысы ағзалары ауруларын диагностикалау және өкпе туберкулезін ерте анықтау
• Асқазан-ішек жолы ағзаларын (өңеш, асқазан) зерттеу
• Сүйек-буын жүйесін және кеуде қуысы ағзаларын зерттеу
• Рентгенография және рентгеноскопияны қоса алғанда, дәстүрлі рентгенологиялық зерттеулердің барлық түрлері
• Кеуде қуысы ағзаларының флюорографиясы

Эндоскопиялық зерттеу кабинеті

Эндоскопия кабинеті медициналық техниканың жетекші өндірушісі – Olympus компаниясының жабдықтарымен қамтылған 3 кабинеттен тұрады.

Гастроскопиялық зерттеу үшін бейнегастроскоп, колоноскопия үшін бейнеколоноскоп қолданылады. Кабинетте Olympus және MEDIVATORS өндірушілерінің эндоскопиялық жабдықтарды өңдеуге арналған 2 камералы екі жуу машинасы бар.

Келесі зерттеу түрлері жүргізіледі:

• Бейнеэзофагогастродуоденоскопия (ВЭГДС)
• Бейнеколоноскопия (ВКС)
• Helicobacter pylori анықтауға цитологиялық талдау үшін эндоскопиялық жағынды алу
• Гистологиялық зерттеуге патологиялық тіндерден эндоскопиялық биопсия алу

Функционалдық диагностика кабинеті

Кабинет жүрек-қантамыр және тыныс алу жүйелері қызметін зерттеуге арналған заманауи құрал-жабдықтармен қамтамасыз етілген. Мұнда функционалдық диагностика бойынша арнайы даярлықтан өткен мамандар жұмыс істейді.

Жүргізілетін зерттеулер:

• Тыныш күйдегі электрокардиограмма (ЭКГ)
• Холтерлік ЭКГ мониторингі
• Артериялық қысымды тәуліктік мониторингтеу
• Тредмил-тест
• Спирография
• Электроэнцефалография (ЭЭГ)